பெருநகர சென்னை மாநகராட்சி தண்டையார்பேட்டை, கோடம்பாக்கம் மற்றும் அடையாறு ஆகிய மண்டலங்களுக்குட்பட்ட பகுதிகளில் உள்ள நீர்வழித்தடங்களில் தீவிர கொசுப்புழுக்கள் ஒழிப்புப் பணி இன்று (08.02.2023) மேற்கொள்ளப்பட்டது.

பெருநகர சென்னை மாநகராட்சியால் பராமரிக்கப்படும் சாலைகளை தூய்மையாகப் பராமரிக்கும் வகையில் இரவு நேரங்களில் 78 மெக்கானிக்கல் ஸ்வீப்பர் வாகனங்களின் மூலம் சுத்தம் செய்யும் பணி மேற்கொள்ளப்பட்டு வருகிறது.

சென்னை மேல்நிலைப் பள்ளிகளில் பல்வேறு பாடப்பிரிவுகளில் ஆசிரியர் தேர்வு வாரியத்தால் தேர்வு செய்யப்பட்ட 51 முதுகலைப் பட்டதாரி ஆசிரியர்களுக்கு பணி நியமன ஆணைகளை மாண்புமிகு மேயர் திருமதி ஆர். பிரியா அவர்கள் இன்று (07.02.2023) வழங்கினார்.

பெருநகர சென்னை மாநகராட்சிக்குட்பட்ட பகுதிகளில் 2023-24ஆம் நிதியாண்டில் பல்வேறு வணிகங்களுக்கான தொழில் உரிமங்களை வணிகர்கள் 31.03.2023க்குள் புதுப்பித்துக் கொள்ளுமாறு தெரிவித்துக்கொள்ளப்படுகிறது.

சோழிங்கநல்லூர் மண்டலத்திற்குட்பட்ட ஈஞ்சம்பாக்கம் அரிச்சந்திரா சாலையிலுள்ள இந்து ஊரூர் மயானபூமியில் பராமரிப்பு பணிகள் தொடர்ந்து நடைபெற்று வருவதால், பொதுமக்கள் கந்தன்சாவடி மற்றும் பெசன்ட் நகர் எரிவாயு தகனமேடைகளைப் பயன்படுத்திக் கொள்ளுமாறு பெருநகர சென்னை மாநகராட்சி அறிவிப்பு

பெருநகர சென்னை மாநகராட்சி, திரு.வி.க.நகர், அண்ணாநகர் மற்றும் தேனாம்பேட்டை ஆகிய மண்டலங்களுக்குட்பட்ட பகுதிகளில் உள்ள நீர்வழித்தடங்களில் தீவிர கொசுப்புழுக்கள் ஒழிப்புப் பணி இன்று (07.02.2023) மேற்கொள்ளப்பட்டது.

பெருநகர சென்னை மாநகராட்சிக்குட்பட்ட பகுதிகளில் உள்ள குடியிருப்புகள் மற்றும் நிறுவனங்களில் 13.01.2023 முதல் 03.02.2023 வரை மேற்கொள்ளப்பட்ட களஆய்வுகளில் 1,813 சட்ட விரோத கழிவுநீர் இணைப்புகள் துண்டிக்கப்பட்டு, ரூ.5,98,500/- அபராதம் விதிக்கப்பட்டுள்ளது.

பெருநகர சென்னை மாநகராட்சிக்குட்பட்ட பகுதிகளில் மாநகராட்சியின் சார்பில் வைக்கப்பட்டுள்ள சாலை மற்றும் தெருக்களுக்கான பெயர்ப் பலகைகளில் சுவரொட்டிகள் ஒட்டும் நபர்களின் மீது காவல்துறையில் புகார் பதிவு செய்யப்பட்டு கடுமையான நடவடிக்கை எடுக்கப்படும்.

பெருங்குடி குப்பை கொட்டும் வளாகத்தில் பயோ-மைனிங் முறையில் நிலத்தை மீட்டெடுக்கும் பணியில் சுமார் 1.05 இலட்சம் டன் எடையுள்ள RDF எனப்படும் பிளாஸ்டிக் கழிவுகளை விஞ்ஞானரீதியில் சிமெண்ட் ஆலையில் மாற்று எரிபொருளாக பயன்படுத்தியதன் மூலம் சுற்றுச்சூழலில் சுமார் 7.50 மெட்ரிக் டன் அளவு கார்பன் டை ஆக்ஸைடு உமிழ்வு தடுக்கப்பட்டுள்ளது.

சென்னையில் முதற்கட்டமாக 18 சாலைகளை 11.02.2023 முதல் குப்பையில்லா சாலைகளாக பராமரிக்க மாநகராட்சியின் சார்பில் நடவடிக்கை மேற்கொள்ளப்பட்டுள்ளதாக மாண்புமிகு மேயர் திருமதி ஆர்.பிரியா அவர்கள் தகவல்.

பெருநகர சென்னை மாநகராட்சிக்குட்பட்ட பகுதிகளில் பொதுமக்கள் சானிட்டரி நாப்கின் மற்றும் டயப்பர் கழிவுகளை தனியாகப் பிரித்து தூய்மைப் பணியாளர்களிடம் வழங்குமாறு கேட்டுக் கொள்ளப்படுகிறார்கள்.

பெருநகர சென்னை மாநகராட்சி, அண்ணாநகர் மண்டலத்திற்குட்பட்ட செனாய்நகரில் உள்ள அம்மா அரங்கத்தில் பொதுமக்களின் அனைத்து குடும்ப சுப நிகழ்ச்சிகள்,பள்ளி, கல்லூரி, தனியார் நிறுவனங்கள், அரசுத் துறை சார்ந்த பாராட்டு விழா, பரிசளிப்பு விழா மற்றும் கலை நிகழ்ச்சிகள் நடத்த அனுமதிக்கப்படுகிறது.

பெருநகர சென்னை மாநகராட்சி பள்ளிகளில் Wings to Fly திட்டத்தின் மூலம் 2022-2023ம் கல்வியாண்டில் நடைபெற்ற போட்டிகளில் வெற்றிபெற்று கல்விச்சுற்றுலாவாக ஐக்கிய அரபு நாடான துபாய்க்கு செல்லும் மாணவர்களை மாண்புமிகு மேயர் திருமதிஆர்.பிரியா அவர்கள் இன்று (03.02.2023) பாராட்டிச் சான்றிதழ்கள் மற்றும் பதக்கங்களை வழங்கினார்.

நடப்பு நிதி ஆண்டு முடிவடைய இரண்டு மாதங்களே உள்ள நிலையில்,சொத்துவரி நிலுவை வைத்துள்ள சொத்து உரிமையாளர்கள் பெருநகர சென்னை மாநகராட்சிக்கு செலுத்த வேண்டிய நிலுவை சொத்துவரியினை உடனடியாக செலுத்தி சென்னை மாநகரின் அடிப்படை கட்டமைப்பு வளர்ச்சி பணிகளுக்கு ஒத்துழைப்பு நல்குமாறு கேட்டுக் கொள்ளப்படுகிறது.

அண்ணாநகர் மண்டலத்திற்குட்பட்ட வில்லிவாக்கம் மயானபூமியில் பராமரிப்புப் பணிகள் தொடர்ந்து நடைபெற உள்ளதால், பொதுமக்கள் வேலங்காடு மற்றும் அரும்பாக்கம் எரிவாயு மயானபூமிகளைப் பயன்படுத்திக் கொள்ளுமாறு பெருநகர சென்னை மாநகராட்சி அறிவிப்பு