முகப்பு>>  துறைகள்

மின்துறை

• வரலாறு
• தெருவிளக்குகள்
• பயனீட்டு அளவு மற்றும் நுகர்வுச் செலவு
• பராமரிப்புச் செலவு
• சிறப்புப் பணிகள்
• புகார்

வரலாறு :

                     சென்னை வராலாற்றில் ஆரம்பத்தில் எண்ணெய் விளக்குகள் உபயோகிக்கப்பட்டன.  தெருவிளக்குகள் முதன் முதலில் 1785-ல் அறிமுகப்படுத்தப்பட்டது.  தொடர்ச்சியாக 1857 ஆம் ஆண்டு வரை 200 எண்ணெய் விளக்குகள் பயன்படுத்தப்பட்டன.  படிப்படியாக 1910 ஆம் ஆண்டு 6500 எண்ணெய் விளக்குகள் பயன்படுத்தப்பட்டன.  மின் விளக்குகள் முதன் முதலாக 1910 ஆம் ஆண்டு அறிமுகப்படுத்தப்படன.  1924 முதல் 1925 ஆம் ஆண்டுகளில் அதிக மின் விளக்குகள் நடைமுறைப்படுத்தப்பட்டன.  எண்ணெய்  விளக்குகள் அனைத்தும் மின் விளக்குகளாக  மாற்றியமைக்கப்பட்டன.

தெருவிளக்குகள் :

                 பெருநகர சென்னை மாநகராட்சியில் தற்பொழுது 2,77,662 எண்ணிக்கை தெரு மின் விளக்குகள் பராமரிக்கப்பட்டு வருகின்றன.  இவற்றில் 1,82,775 எண்ணிக்கை மின் சக்தி சேமிப்பு வகையிலான எல்.ஈ.டி. விளக்குகள் ஆகும்.  இதன் மூலம் 45 சதவீதம் மின்சக்தி சேமிக்கப்படுகிறது என்பது குறிப்பிடத்தக்கதாகும்.

பெருநகர சென்னை மாநகராட்சி,
சாலைசந்திப்புகயிலும் மக்கள் நடமாட்டம் அதிமான பகுதிகளிலும் 433 எண்ணிக்கையில் உயர் கோபுர மின் விளக்குகள் அமைக்கப்பட்டன.

பயணீட்டுஅளவுமற்றும்நுகர்வுச்செலவு :

தற்பொழுது உள்ள தெரு விளக்குகள் எரிவதற்குத் தேவையான மின் சக்தியின் அளவு 26.42  மெகாவாட் ஆகும்.  இதற்குண்டான மொத்த நுகர்வு செலவு ஒரு மாதத்திற்கு ரூ.482 இலட்சம் ஆகும்.  தெரு விளக்குகள், பெருநகர சென்னை மாநகராட்சி கட்டிடங்கள், பூங்கா, விளையாட்டுத்திடல் மற்றும் மயான பூமியில் உள்ள விளக்குகளை பெருநகர சென்னை மாநகராட்சி அமைத்து பராமரிப்பு பணிகளை மேற்கொண்டு வருகின்றது.
            தெருமின் விளக்குகள் இரண்டு வகையாக பிரிக்கப்பட்டு முறையே புதைமின் கேபிள்கள் மற்றும் மின் விளக்குகளுக்கான பாகங்கள் என வகைப்படுத்தப்பட்டு பராமரிக்கப்பட்டு வருகின்றன.  மேலும் 68 எண்ணிக்கையில் வாகனத்தில் பொருத்தப்பட்டு ஹைட்ராலிக்./அலுமினியம் ஏணிகள் தெருமின் விளக்குகள் பராமரிப்பு பணிகளுக்கு பயன்படுத்தப்பட்டு வருகின்றன.

சூரிய  ஒளி மேற்கூறை தகடுகள்
            பெருநகர சென்னை மாநகராட்சியில் உள்ள 60 கட்டிடங்களில் 175 KWP  திறன் கொண்ட சூரிய ஒளி மேற்கூறை தகடுகள் பொருத்தப்பட்டு மின் உற்பத்தி செய்யப்படுகிறது.

சிறப்புப்பணிகள் பற்றிய விவரங்கள் :

                  பெருநகர சென்னை மாநகராட்சி கம்பியில்லா கருவிகள், அனைத்து மண்டல அலுவலகங்களுக்கும், உயர் அதிகாரிகள் மற்றும் மண்டல அலுவலர்கள் மற்றும் துறை நிலை  அதிகாரிகள் வாகனங்களில் போருத்தப்பட்டு எளிதில் தொடர்பு கொண்டு அன்றாட பணிகளை திறம்பட நிறைவேற்ற உதவி புரிகின்றது.  இவை மேலும் இயற்கைச் சீற்றம் தீ விபத்து மற்றும் தேர்தல்களுக்கும் பயன்பட்டு வருகின்றன.
            இரவு நேரங்களில் ஏதேனம் தீ விபத்து ஏற்பட்டால் தற்காலிக மின் விளக்குகள் மற்றம் இதர அவசர கால பணிகளை நிறைவேற்றுவதற்கு இரவு பராமரிப்பு குழு அமைக்கப்பட்டுள்ளது.  இதற்காக 18 எண்ணிக்கையில் வாகனத்தில் பொருத்தப்பட்ட உயர் தூக்கும் மின் விளக்குகள் அவசர தேவைக்கு எந்நேரமும் தயார் நிலையில் உள்ளது.

புகார்களுக்கு :

  பெருநகர சென்னை மாநகராட்சி பராமரிப்புக்கு உட்பட்ட தெரு விளக்குகள் எரியவில்லை என்றால் அதைச்சார்ந்துள்ள மண்டல அலுவலக்த்தில் உள்ள மண்டல உதவி கோட்ட பொறியாளர் (மின்துறை) ஆகியோரிடம் தெரிவிக்க கீழ்க்காணும் கைபேசி எண்களில் தொடர்பு கொள்ளுமாறு கேட்டுக் கொள்ளப்படுகிறார்கள்.

தெருமின் விளக்குகளில் போதுமான வெளிச்சம் பெறுவதற்காக பெருநகர சென்னை மாநகராட்சியால் பல்வேறு நடவடிக்கைகள் எடுக்கப்பட்டு வருகின்றன.

• உயரம் குறைவாக உள்ள தெருவிளக்கு மின் கம்பங்கள் மற்றும் இரு மின்கம்பங்களுக்கு இடையே அதிமான இடைவெளி இருப்பின், சீராக்கும் வகையில் புதிய தெருமின் விளக்கு கம்பங்கள் மாற்றி அமைக்கப்பட்டு வருகின்றன.
• மின் அழுத்தத்தை உருவாக்கக்கூடிய பழைய பழுதடைந்த நிலையில் உள்ள மின் வடங்களை மாற்றி புதிய மின் வடங்கள் அமைக்கப்பட்டு வருகின்றன.
• தெருமின் விளக்குகளின் வெளிச்சம் பொதுமானதாக இல்லாமைக்கு சாலையில் உள்ள மரங்களில் கிளைகள் ஒரு முக்கிய காரணமாக உள்ளது.  இத்தகைய இடங்களில் தெருவிளக்கு பராமரிப்பு பணி மேற்கொள்ளும் போதே மரக்கிளைகளை நறுக்கி சீர்செய்யும் பணி மேற்கொள்ளப்பட்டு வருகிறது.
• பழுதடைந்த நிலையில் உள்ள பழைய பிட்டிங்குகள் பதிலாக புதிய பிட்டிங்குகள் பொருத்தப்பட்டு வருகிறது.
• மேல்நிலை கடத்திகளோடு ஒப்பிடும் போது புதை மின் வடக்ள் மிகவும் பாதுகாப்பானவை என்பதாலும் தெருவிளக்கு இயக்குவதற்காக புதைமின் வடங்கள் உபயோகிக்கப்பட்டு நல்ல முறையில் பராமரிக்கப்பட்டு வருகிறது.
• புதை மின் வடங்கள் உபயோகப்படுத்துவதால் மழை காலங்களில் ஏற்படகூடிய அசம்பாவிதங்கள் தவிர்க்கப்படுகிறது.