சென்னைப் பள்ளிகளில் சீர்மிகு நகரத் திட்டத்தின் கீழ் சிறப்பாக ஸ்மார்ட் கல்வி முறையை செயல்படுத்தியமைக்காக வழங்கப்பட்ட விருதினை பெருநகர சென்னை மாநகராட்சி துணை ஆணையாளர் (பணிகள்) திரு.எம்.கோவிந்த ராவ், இ.ஆ.ப., அவர்கள் பெற்றுக்கொண்டார்.

பெருநகர சென்னை மாநகராட்சியின் சுகாதார தூதுவர்களாக நியமிக்கப்பட்ட பள்ளி மாணவ, மாணவியர்கள் கலந்து கொண்ட சுகாதார விழிப்புணர்வு பேரணியை மாண்புமிகு நகராட்சி நிர்வாகம், ஊரக வளர்ச்சி மற்றும் சிறப்புத் திட்ட செயலாக்கத்துறை அமைச்சர் திரு.எஸ்.பி.வேலுமணி அவர்கள் இன்று துவக்கி வைத்தார்.

மாண்புமிகு தமிழ்நாடு முதலமைச்சர் திரு.எடப்பாடி கே.பழனிசாமி அவர்கள் நாளை (13.11.2019) மாலை 6.00 மணியளவில் பனகல் பூங்கா-பாண்டி பஜார் சந்திப்பில் நடைபெறும் நிகழ்ச்சியில், பெருநகர சென்னை மாநகராட்சிக்குட்பட்ட தியாகராய நகரில் சீர்மிகு நகரத் திட்டத்தின் கீழ் ரூ.39.86 கோடி மதிப்பீட்டில் அமைக்கப்பட்டுள்ள நடைபாதை வளாகம் மற்றும் ரூ.19.11 கோடி மதிப்பீட்டில் அமைக்கப்பட்டுள்ள 23 சீர்மிகு சாலைகளை பொதுமக்களின் பயன்பாட்டிற்கு திறந்து வைக்க உள்ளார்கள்.

“வெறிநாய்க்கடி நோய் இல்லா மாநகரம்” என்ற இலக்கினை அடைய மாபெரும் அளவிலான வெறிநாய்க்கடி நோய் தடுப்பூசி போடும் திட்டம் மற்றும் அக, புற ஒட்டுண்ணி நீக்கும் திட்டம் மண்டலம் வாரியாக தொடர்ந்து செயல்படுத்தப்பட்டு வருகிறது.

விருகம்பாக்கம் மயானபூமியில் பராமரிப்பு பணிகள் நடைபெறுவதால் பொதுமக்கள் ஏ.வி.எம். மற்றும் போரூர் மயானபூமிகளை பயன்படுத்திக் கொள்ளலாம் என பெருநகர சென்னை மாநகராட்சி அறிவிப்பு

"

சென்னை ஸ்மார்ட் சிட்டி நிறுவனத்திற்கு சமூகத்தில் நிலையான நகரங்களுக்கான மாற்றத்தை விரிவுபடுத்துவதற்கான விருது புதுடெல்லியில் நடைபெற்ற நிகழ்ச்சியில் வழங்கப்பட்டது.

பெருநகர சென்னை மாநகராட்சிக்குட்பட்ட பகுதிகளில் தொற்றுநோய் பரவாமல் தடுக்கும் பொருட்டு, அதிநவீன கொசு ஒழிப்பு புகைப்பரப்பும் இயந்திரங்கள் பொருத்தப்பட்ட வாகனங்களை ஆணையாளர் திரு.கோ.பிரகாஷ், இ.ஆ.ப., அவர்கள் இன்று கொடியசைத்து துவக்கி வைத்தார்.

பெருநகர சென்னை மாநகராட்சி மற்றும் சென்னை மாவட்ட சமூகநலத்துறையின் சார்பில் பெண் குழந்தைகளை காப்போம், பெண் குழந்தைகளுக்கு கற்பிப்போம் திட்டத்தின் 2019-20 ஆண்டிற்கான செயல்பாடுகள் குறித்த விழிப்புணர்வு முகாமினை ஆணையாளர் திரு.கோ.பிரகாஷ், இ.ஆ.ப., அவர்கள் துவக்கி வைத்தார்.

வடகிழக்கு பருவமழையின்போது மேற்கொள்ளப்பட வேண்டிய நடவடிக்கைகள் மற்றும் தொற்றுநோய், காய்ச்சல் தடுப்பு நடவடிக்கைகள் குறித்த ஆய்வுக் கூட்டம் மாண்புமிகு நகராட்சி நிர்வாகம், ஊரக வளர்ச்சி மற்றும் சிறப்புத் திட்ட செயலாக்கத்துறை அமைச்சர் திரு.எஸ்.பி.வேலுமணி அவர்கள், மாண்புமிகு மீன்வளம், பணியாளர் மற்றும் நிருவாகச் சீர்திருத்தத்துறை அமைச்சர் திரு.டி.ஜெயகுமார் அவர்கள் மற்றும் மாண்புமிகு வருவாய், பேரிடர் மேலாண்மை மற்றும் தகவல் தொழில்நுட்பவியல் துறை அமைச்சர் திரு.ஆர்.பி.உதயகுமார் அவர்கள் தலைமையில் இன்று நடைபெற்றது.

பெருநகர சென்னை மாநகராட்சி, கோடம்பாக்கம் மண்டலத்திற்குட்பட்ட சைதாப்பேட்டை சென்னைப் பெண்கள் மேல்நிலைப் பள்ளியில் 30.10.2019 அன்று ஆணையாளர் திரு.கோ.பிரகாஷ், இ.ஆ.ப., அவர்கள் மாண்டிசோரி (Montessori) கல்வி பயிற்சி முறையினை நேரில் சென்று ஆய்வு செய்து பார்வையிட்டார்.

பெருநகர சென்னை மாநகராட்சிக்குட்பட்ட பகுதியில் சுகாதாரமற்ற முறையில் விற்பனை செய்யப்பட்டு வந்த துரித உணவத்திற்கு சீல் வைக்கப்பட்டுள்ளது.

பெருநகர சென்னை மாநகராட்சிக்குட்பட்ட 15 மண்டலங்களில் தீபாவளி திருநாள் ஒட்டி 22.58 டன் பட்டாசுக் கழிவுகள் அகற்றப்பட்டுள்ளது.

வேளச்சேரி பிரதான சாலையில் உள்ள மின்மயானபூமியில் பராமரிப்பு பணிகள் நடைபெறவுள்ளதால், பொதுமக்கள் அருகில் உள்ள மயானபூமிகளை பயன்படுத்திக் கொள்ளுமாறு பெருநகர சென்னை மாநகராட்சி அறிவிப்பு

வாக்காளர்கள் தங்கள் விவரங்கள் சரியாக உள்ளதா, இல்லையா என சரிபார்த்து, அவர்களே திருத்தங்கள் மேற்கொள்ளும் திட்டம் (EVP) நவம்பர் 18ம் தேதி வரை நீட்டிக்கப்பட்டுள்ளது என மாவட்ட தேர்தல் அலுவலர்/ஆணையாளர் திரு.கோ.பிரகாஷ், இ.ஆ.ப., அவர்கள் தெரிவித்துள்ளார்.

பெருநகர சென்னை மாநகராட்சி அண்ணாநகர் மண்டலம், செனாய் நகரில் சுமார் ரூ.280 கோடி சந்தை மதிப்புடைய 4.3 ஏக்கர் நிலத்தை ஆக்கிரமிப்பிலிருந்து மீட்டுள்ளது என ஆணையாளர் திரு.கோ.பிரகாஷ், இ.ஆ.ப., அவர்கள் தெரிவித்துள்ளார்.

28.10.2019 அன்று மகாவீர் நிர்வான் நாளை முன்னிட்டு, அனைத்து இறைச்சிக் கூடங்களும் மூடப்பட வேண்டும் என பெருநகர சென்னை மாநகராட்சி ஆணையாளர் திரு.கோ.பிரகாஷ், இ.ஆ.ப., அவர்கள் தெரிவித்துள்ளார்.

பெருநகர சென்னை மாநகராட்சிக்குட்பட்ட பகுதிகளில் மேற்கொள்ளப்பட்டு வரும் மழைநீர் வடிகால்வாய் அமைக்கும் பணிகள் தொடர்பான ஆய்வுக்கூட்டம் ஆணையாளர் திரு.கோ.பிரகாஷ், இ.ஆ.ப., அவர்கள் தலைமையில் நடைபெற்றது.

அரும்பாக்கம் மயானபூமியில் பராமரிப்பு பணிகள் நடைபெறவுள்ளதால், பொதுமக்கள் அருகில் உள்ள வேலங்காடு மற்றும் நுங்கம்பாக்கம் மயானபூமியை பயன்படுத்திக் கொள்ளுமாறு பெருநகர சென்னை மாநகராட்சி அறிவிப்பு

பெருநகர சென்னை மாநகராட்சி, மருத்துவ சேவைகள் துறையின் சார்பில் வளசரவாக்கம் மற்றும் பெருங்குடி மண்டலங்களில் உள்ள நகர்ப்புற சமுதாய நல வாழ்வு மையங்களில் சிறப்பு தனிக்காய்ச்சல் வார்டுகள் வருகின்ற 21.10.2019 முதல் துவங்கப்பட உள்ளது என ஆணையாளர் திரு.கோ.பிரகாஷ், இ.ஆ.ப., அவர்கள் தெரிவித்துள்ளார்.

பெருநகர சென்னை மாநகராட்சிக்குட்பட்ட பகுதிகளில் வடகிழக்கு பருவமழையின்போது மேற்கொள்ளப்பட வேண்டிய நடவடிக்கைகள் குறித்து ஒருங்கிணைப்பு கூட்டம் ஆணையாளர் திரு.கோ.பிரகாஷ், இ.ஆ.ப., அவர்கள், காவல் ஆணையாளர் திரு.ஏ.கே.விஸ்வநாதன், இ.கா.ப., அவர்கள் தலைமையில் நடைபெற்றது.

பெருநகர சென்னை மாநகராட்சி அண்ணாநகர் மண்டலத்தில் ரூ.80 கோடி சந்தை மதிப்புள்ள மாநகராட்சிக்கு சொந்தமான 39,127 சதுரஅடி நிலம் தனியார் ஆக்கிரமிப்பிலிருந்து மீட்கப்பட்டுள்ளது என ஆணையாளர் திரு.கோ.பிரகாஷ் இ.ஆ.ப., அவர்கள் தெரிவித்துள்ளார்.

பெருநகர சென்னை மாநகராட்சிக்குட்பட்ட பகுதிகளில் பருவமழை முன்னிட்டு, மேற்கொள்ளப்பட்டு வரும் மழைநீர் வடிகால் தூர்வாரும் பணிகள் குறித்து பொறியாளர்கள் மற்றும் ஒப்பந்ததாரர்களுடனான ஆய்வுக்கூட்டம் ஆணையாளர் திரு.கோ.பிரகாஷ், இ.ஆ.ப., அவர்கள் தலைமையில் நடைபெற்றது.

பெருநகர சென்னை மாநகராட்சிக்குட்பட்ட பகுதிகளில் பூட்டிக்கிடக்கும் வீடுகள், காலிமனை இடங்களில் தூய்மையாக பராமரிக்காத உரிமையாளர்கள் மீது அபராதத்துன் கூடிய நடவடிக்கைகள் எடுக்க ஆணையாளர் திரு.கோ.பிரகாஷ், இ.ஆ.ப., அவர்கள் உத்தரவு.

தமிழ்நாடு மகளிர் மேம்பாட்டு நிறுவனத்தின் தேசிய நகர்ப்புற வாழ்வாதார இயக்கத்தின் சார்பில், மகளிர் சுயஉதவிக் குழுக்களை உள்ளடக்கிய பகுதி அளவிலான கூட்டமைப்புகளுக்கு தலா ரூ.50,000/- சுழல் நிதி வழங்கி, நகர்ப்புற வாழ்வாதார மையத்தின் இணையதளத்தையும், சேவை மைய கட்டணமில்லா தொலைபேசி எண்ணையும் ஆணையாளர் திரு.கோ.பிரகாஷ், இ.ஆ.ப., அவர்கள் துவக்கி வைத்தார்.